Ang Babae sa Breakwater :)

Matagal tagal na din itong mga pictures na ito pero gusto ko tong ikwento. Nung May kasi nagkayayaan kami ng tropa ko ng college na magswimming sa Tanza. Overnight siya. So after ng swimming pumunta kami sa bahay ng bespren ko na malapit sa dalampasigan. Being the adventurer that I am, gusto ko magdora the explorer doon kaya naman tadaaaaa!!Eto ang mga nadiscover ko:

Pumupunta yung mga mamimili (most commonly mga tindera din sila sa palengke) sa mga fish ports na tulad nito. Magkukumpol-kumpolan sila at titignan ang mga isda

Titignan nila kung fresh pa o bilasa na yung mga isda. Kung nalambat lang ba ito o dinynamite fishing.

Tapos magbibigay sila ng presyo sa may-ari ng isda. IBUBULONG NILA ANG KANILANG PRESYO. Parang auction pero secret lang yung price ng iba. Syempre pataasan sila ng bigay. Aun. Kaya BULUNGAN ang tawag sa lugar.

Andami kong nakitang mga isda tulad nitong tuna na nasa likod ko. Anlaki nila. at nung tinanong ko kung magkano yung price, 14,000 pesos daw. Aun. Naloka ako. Hahaha.

May iba’t ibang klase ng isda. Kakaiba ang kulay at hindi ko alam ang tawag. Pero ang cucute nila. Fresh pa, kasi mula sa Bangka diretso agad dito ang mga isda kaya nakakasiguro kang laging bago.

May mga alimasag at alimango pa. At take note buhay sila :))

At syempre may picture si Dora the Explorer sa Breakwater. Ciao! – Monike

Sikretong hindi talaga sikreto

May sikret akong sasabihin. Actually hindi naman talaga siya sikret kasi nakikita naman nila akong ginagawa yun. Pero sasabihin ko sayo. Oo sayo. Na hindi naman masyadong nakikita ako ng personal. Hihi. Eto na… nag-eexercise kamo ako. Hindi naman talaga siya sikret diba? Kaso kasi medyo nakakahiya pag sinasabi ko ee. Parang weird kasi kapag sinabi mong nag-eexercise ka, kasi most ng mga tao hindi talaga mahilig or hindi pa talaga nageexercise sa tanang buhay nila. Ako nag-eenjoy. Nagbibike ako. May stationary bike kasing binili ang kuya ko dati. Aun mostly 30 mins – 1 hour ako dun. Tsaka nagbubuhat din ako. 10 pounds ata yung dumbbell na yun ee. Ambigat nya pramis. Minsan dalawang kamay ang ginagamit ko sa pagbubuhat nun ee. Hahaha. Eto ang mga dahilan kung bakit nag-eenjoy ako mag-exercise:

Nakakapayat kasi siya. Don’t get me wrong. Hindi ako nageexercise lang dahil alam kong nakakapayat siya, pero isa yun sa mga malaking dahilan. Sa tulad kong buong buhay na inaasar na mataba, medyo iba ang feeling kapag sinabihan kang “Ang payat payat mo na!” o “Ang sexy mo na!”. Waaww. Heaven. Hahaha. Sasabihin ko naman “I knoowwww right?!” or “Matagal ko na sinsabi sayong payat ako, mata mo lang ang ayaw maniwala” sabay tawa ng malakas. Echuserang froglet lang. Pero masarap talaga sa feeling pramis. Nakakaboost ng self confidence. Aun. :))

Nakakatulog ako ng maaga. Hindi naman lingid sa kaalaman ng mga taong malapit sa akin na ako’y isang dakilang INSOMNIAC. Hindi talaga ako nakakatulog ng maaga. As in. Mga 1 to 2 hours na akong nakahiga. Hindi pa din ako makatulog. Yung feeling na, pagod na pagod na yung katawan ko, pero yung utak ko ayaw pa rin magshut down. Ngaun. Automatic shutdown na agad dahil pagod na pagod na yung katawan ko ee.  Wala ng ikot ikot muna sa kama bago makatulog. Ahhhhh sarap! :))

Nakakabili na ako ng mga gusto kong damit. Nung isang araw, pinagtripan ko yung mga luma naming damit  at bwalaaaaahhh! May mga bagong damit nanaman ako. Yung mga dating hindi kasya, nasusuot ko na ulet. Yung mga palda, ginagawa ko ng dress at kung anik-anik pa. Ansarap sa feeling na may nasusuot na ako at hindi ako nahihiya. At madami dami na ding kasya. Di katulad dati na hirap na hirap talaga ako sa pagpili at pagsukat ng damit. Grabeh!

Konti palang yang mga dahilan na yan. Pero super enjoy talaga kapag nageexercise. Nakakatuwa. Sobrang boost pa ng energy. Kaya highly recommended ko ang pageexercise lalo na sa mga mambabasa kong hindi masyado nageexercise. Kaya ikaw, magexercise ka na! Lika sabay tayo! Sa uulitin. Ciao! :))

Bakit namiss ko ang pagiging Nars

Inaantok ako. Nanaman. Nandito ako sa clinic ee. At eto lang ang napatunayan ko. Sarap talaga matulog sa clinic. Hahaha. Di ko din masisisi kung gusto ng mga batang matulog dito ee. Lalo na kung maulan-ulan sa labas, nakaka-antok ang prof, at puyat ka pa. Talagang gagawa ka ng dahilan para makatulog sa clinic. Almost 3 weeks na akong nagwowork dito. Enjoy naman. Kahit wala pang sweldo. Haha. Wala naman talaga akong ginagawa ee. Taga-bigay lang ng Biogesic. Mapasipon, sakit ng ulo, lagnat, hypochondriasis o obsessive-compulsive disorder pa ang sakit mo, alam kong mapapagaling ka ng Biogesic ko. Sabi nga ni Papa John Lloyd diba? Ingat! :))

Sa tatlong linggong nagpapanggap akong nurse, super enjoy ako. Naalala ko kung bakit nag-enjoy din ako sa course ko dati (kahit ngaun wala talaga kami mapasukang trabaho). Eto ang mga dahilan

1. Chona Chikadora ako. Mahilig talaga ako makipag-interact sa mga tao. Masaya ako pag nagkwekwento ako ng mga nararanasan ko sa buhay. Tulad nentong ginagawa ko ngaun. Pero mas enjoy na habang nakikipagkwentuhan ka sa mga bata o teacher na may sakit ay may naiimpart ka sa kanila (tulad ng biogesic). Minsan sobra sobra na nga ang health teaching ko dito ee. Feeling ko tuloy nagtuturo na din ako ng nursing 

2. Why so serious? Joker ako talaga. Minsan kasi kailangan lang ng mga batang ito tumawa, ngumiti.  Minsan common sense lang din talaga ang kailangan sa mga problema nila ee. Masakit daw ang ulo, tapos pag tinanong mo, puyat pala kaya masakit ang ulo, edi hindi gamot ang kailangan mo kundi… tadaaaaaaaaah TULOG! Pero minsan hindi nila naiintindihan yun. Kaya binibigyan ko nalang ng biogesic. Hahaha.

3. May pagka-Ambivert kasi ako. Extrovert ako pag may tao at may kausap, pero minsan umaatake din ang pagkaintrovert ko na  gusto lang mapag-isa. Emo-emohan lang ang lola mo. Gusto ko mag-isip. Magplano ng mga gagawin ko sa buhay. Magplano, Magsiguro, Maghanda… parang commercial ng GMA para sa tag-ulan. At nagagawa ko yun dito sa clinic. Kaya keriboom keriboom talaga dito. Masaya pa ang mga kasamahan ko. Nakakaloka lang. :)

All in all, namiss ko din talaga ang pagiging nurse, kahit ayaw ko talaga ng course ko, at kahit gusto ko pa din talagang maging engineer. Hahaha. You can take me out of nursing, but you cannot take nursing out of me. Im your super nurse Monike, signing out! Ciao! :)

Mga Uri ng Pasyente Ayon sa Isang School Nurse

Alam mo. Nagkatrabaho na ako. Natanggap ako bilang school nurse sa isang campus ng school ko. Kaya medyo busy-busyhan na ang lola mo. Hindi na nga ako nakakapagkwento ng mga kabalbalan ko sa buhay at namimiss ko na din magblog. Yung gento. Kausap ka. Kahit alam kong wala ka namang pakialam saken. Hahahaha. Pero enjoy kamo ako sa pagiging school nurse. Nakakatuwa ang mga batang pumapasok sa clinic. Tatanong ng “Maaaaam, may gamot po ba kayo sa <insert sickness here>???”. At napansin ko lang na PALAGING yung KAIBIGAN ng MAY SAKIT ang nagtatanong kung meron kaming gamot. Ayun.

Nakaka-antok sa clinic. Sobra. Parang hinihila din ako ng kama. Partida ako na ang nurse nyan aa. May kasama din ako ditong nurse ee. Si Rolan. Tapos lagi din sya inaantok. Hindi ko kung bakit kami inaantok dahil ba ito sa kama, sa music, o sa multo na hinehele kami. Yun pa. May multo daw dito clinic. Hindi naman ako naniniwala sa multo kasi takot ako makakita ng multo ee. Pero ilang beses na din namatay ang ilaw ng walang pumapatay. Tapos namamatay yung sounds ng computer ng walang gumagalaw. Tapos minsan alam mo yung parang may nakatingin na wala naman. EEEEeeeeeeehhhh!! Hindi ko alam kung tinatakot ko lang ang sarili ko o talagang may nararamdaman ako ee. :))

Sa 2 weeks ko bilang campus nurse, unti-unti ko ng nakikilala ang mga tao dito at naklase ko na din ang mga estudyanteng pumapasok sa clinic. Eto sila:

Patients is a Virtue – eto yung mga totoong pasyente. Sila ang mga batang namumutla, may lagnat, at hinimatay na lang bigla-bigla. Kailangan talaga nila ng serbisyo ng clinic at kailangan bigyan ng mga gamot o first aid. Mostly pa sa mga Patients is a Virtue ay ayaw pumunta sa clinic at napagalitan lang ng teacher o pinilit ng kaibigan dahil nag-aalala na talaga sa kanilang mga kalagayan. Aun. Pasok lang, you are welcome! :))

Gus Abelgas – eto yung mga pasyenteng may REPORT o may EXAM lang kaya nakakaramdam ng sakit ng ulo, pagkahilo, at sakit ng tyan. Conversion to the highest level ang peg ng mga batang ito. At take note, may sakit sila pag malapit na ang klase at pag tapos na ng oras ng klase biglang nagkakaroon ng MATINDING lakas na hindi mo alam kung saan hinuhugot. Superman na may kryptonite ang trip nya sa buhay. OKkkkkkaaayy.

Cooler ang Clinic –Eto ang mga batang gusto lang mag palamig sa clinic kasi sa labas nga naman ay sobrang init. Magiimbento ng mga sakit para makapagstay lang sa clinic at magpalamig. Minsan lang bored lang sila at gustong guluhin si mam. Tapos yun. Pinagtitripan lang ako. MMMMMmmmmm sarap! :))

Hypochondriac – May kwento ako dito. Yung estyudyante kumatok, pumasok.

Monike: “Yes po?”

Hypochondriac Student: “Maaam may gamot po ba kayo sa VERTIGO?”

Monike: Nagulat “Alam mo ba ang vertigo kuya?”  

Hypochondriac Student: “Opo, yun po yung nahihilo diba?”

Monike: “Ahhhh”. Iba ang vertigo sa normal na hilo lang, ginamot ko sya pero tinandaan ko ang pasyenteng iyon

*Next day*

Hypochondriac Student: “Maaam may gamot po ba kayo sa muscle pain?”

Monike: “Saan ba masakit?”

Hypochondriac Student: “Eto pong balikat ko buhat buhat ko po kasi tong laptop kung saan saan ee ”

Monike: “Gusto mo ba uminom ng gamot?”

Hypochondriac Student:  “Hindi na po mam baka magkaroon po ako ng TOLERANCE”

Monike: “EEERRRRRRrrrr. Oki”

*Isa pang next day*

Hypochondriac Student:  kumatok, pumasok nakahawak sa ulo. Nakakunot ang noo.

Monike: *kausap ang sarili* Ano nanaman kaya ang pinaplano nito?

Hypochondriac Student:   “Maaam may gamot po ba kayo sa sakit ng ulo?”

Monike: Binigyan ng Biogesic.

End of story. Naiinis ako sa hypochondriac na yun. 4 years ako nag-aral ng nursing. 2 years ako nagduty sa hospital. Alam ko ang mga umaarte lang sa mga mayroon talagang saket. Kaya kuya ichecheck kita. Humanda ka saken. Hindi ka uubra. Hahaha

Meron pa yung mga nakikiCR, nakikibihis, tatambay at kung anik-anik pa. Ayun. All in all kung susumahin mo, super enjoy naman sa clinic. Andami kong naiisip na kung ano-ano para gawin. Maliit and sweldo. Pero Ok lang. Stress free na. Sure win pa! Weee. See you sa clinic. Ciao! :))

Mga Kakaibang Gamit ng Phone Mo! :))

Kung tatanungin mo ang mga kaibigan mo kung mabubuhay ba sila kung walang cellphone, ipupusta ko ang bahay ng kapitbahay namin na sasabihin nilang HINDI. Kung dati ang gamit lang ng cellphone ay pantext at pantawag, ngayon all around gadget na ito. Hindi mo na kailangan ng ibang mga gamit dahil may cellphone ka na. Eto ang iba pang gamit ng phone mo (kung hindi mo pa alam):

Game Console – sa sobra high tech na ng mga phone ngaun sobrang high tech na din yung mga games na nalalagay. Nagumpisa yan sa Snake at Space Impact at ngaun Temple Run at Kung anu-ano pa. :))

Music Player – Halos lahat na ng phone may feature na ng music player. Kung hindi naman pwede ang mp3s ay pwede ka naman makinig sa radio. Actually eto na nga lang ang feature ng phone ko na ginagamit ko ee. Hihihi. ;))

Alarm Clock – Alam nating lahat na alarm clock mo tuwing umaga ang phone mo. Tapos pag nag-alarm siya automatic mong napipindot ang snooze button at paglate ka na nagising ay papagalitan mo ang phone mo. Mga gawain, Alam na! :)))

Salamin – Once-upon-a-time nagawa mo na ding salamin ang phone mo lalo na kung kasabay ka sa uso na touch screen na ang phone mo. Pagmalaki-laki ang glass ng phone mo (Iphone) alamin lang ang tamang angulo pwedeng pwede na itong gawing salamin. Bongga! :))

Paperweight – Pagmadami kang ginagawang paperworks at biglang binuksan ni Inay ang electric fan, magandang gawing paperweight ang phone. Madalas kong gawing paperweight ang phone ko nung nag-aaral pa ako. Multitasking ang peg nya ee. :))

Flashlight – Naalala mo yung time na may hinahalungkat ka sa bag mo at hindi mo makita kaya naman ginawa mong flashlight ang phone mo tapos pindot ka ng pindot para hindi mawala yung ilaw? tumpak. Minsan naman gabi at madilim ang daan kaya naman ang phone mo ang kasama mo at kung may makita ka pang mumu pwede mo itong ihagis o ipanhampas. Great! :))

Hindi na nga pantext at pantawag lang ang phone ngaun. Kaya ako, kahit lasog-lasog na yung phone ko, mahal na mahal ko pa din ito, at hindi ko ito ipagpapalit (pwera nalang kung bibigyan mo ako ng iphone4s) Kkkkkkkk. Love. Love ~ Monike 

Top Ten Signs na Bored ka na! :))

Naranasan mo na bang maghintay ng pagkatagal-tagal? Syempre! :) At ito ang iyong madalas na ginagawa:

1. Niyuyugyog mo ang iyong paa.
2. Paulit-ulit mong kini-click ang retractable mong ballpen.
3. Kinakagat mo ang kuko mo.
4. Tinitignan mo ang itsura mo.
5. Tinatanggal mo ang split ends ng buhok mo.
6. Hinahalungkat mo ang laman ng bag mo.
7. Binabasa mo ang mga leaflets na binibigay sa mga malls.
8. Kinakalikot mo ang phone mo. Magtetext ng makakausap o kaya games sa phone.
9. Tinatanggal mo ang lahat ng dumi sa katawan mo (I.e. muta, dumi sa kuko, kulangot, etc.)
10. Napapansin mo ang mga tao sa paligid mo.

Mostly ginagawa mo yan kapag nakaupo ka habang nagaantay. Malay mo napansin pala kita nung bored ka. Ciao! ~ Monike :)) 

Simpleng Pangarap :))

Lahat ng tao may pangarap. Madalas nga nila sabihin na ang mangarap ang tanging libre sa mundo. At marami sa atin nangangarap na maging Billionaire tulad ni Bruno Mars o kaya naman maging E.T. tulad ni Katy Perry pero minsan may mga mutants na katulad kong may kakaibang pangarap. Eto ang aking mga simpleng pangarap:

Maging Cashier sa SM Supermarket – Bata pa ako nung una akong mangarap ng ganyan. Gusto ko kasi yung tumutunog na toooooooooot pag may siniswipe na items sa machine ng mga cashier. Tapos tuwang-tuwa pa ako dati kasi feeling ko andami-daming pera ng mga cashier. Tapos hindi mo ba napapansin na parang ang gaganda din nila? Laging naka-ayos ang mga buhok at nakamake-up. Tooooooooooot! :))

Maging Barista sa Starbucks – Gusto ko to kasi ambango bango talaga ng coffee shop para saken. Grabe. Bawal kasi akong uminom ng kape kaya naman para akong hinihipnotize kapag nakakalanghap ako ng freshly brewed coffee. Ahhh Heaven!!! Tapos parang ansosyal pa ng trabaho mo, “One cup of Cookie Crumbles for Gregoria!”. Kahit ambaho ng pangalan mo basta sinisigaw ng mga barista ng Starbucks, parang gumaganda. Haha. :))

Taga-Tikim sa Factory ng Nutella – Kung may work lang na ang gagawin lang ay taga-tikim ng nutella aba gorabells ako dyan. Actually kahit anong factory ng chocolate basta yun lang ang gagawin. Go lang ng go! Voluntary work pa ako! :))

Conductor ng Bus – Eto kakaiba kong pangarap. Nung college ako, araw-araw kong nilalakbay ang bahay to school tapos parang 2 hours ride sya tapos palagi akong nakasakay sa bus. Sa sobrang kabisado ko na yung lugar pwede ko na palitan yung conductor ng bus. Naisip ko na din mag-apply nun kasi balita ko 10% daw ng kita ng bus ay sa conductor (Hindi ko lang alam kung totoo ang chismis na to). Tapos wala pa ako nakikitang babaeng conductor ng bus. Ever. Maiba lang. Hihihi :))

Maging Araro – Araro yung ginagamit ng magsasaka. Kasi meron akong kilalang gusto niya daw maging KALABAW. Hahahaha. Sasabayan ko lang ang Trip nya :)

Sana magawa ko sila balang araw (pwera lang yung araro). Pwede naman ngaun ee kaso iba na rin kasi ang priorities ko sa buhay. Aun. mananatili na lang silang mga pangarap. :))     

Hirap na hirap na ako :’((

Alam mo yung feeling na hirap na hirap ka na ngunit hindi mo malabas? Yung hindi ka makahinga. Masakit ang ulo mo. Naiirita ka sa lahat ng bagay. Ayaw mong tumayo. Gusto mo matulog kaso hindi mo kaya. Lahat na ginawa mo ngunit wala pa din. Ganyan. Ganyan ang nararamdaman ko ngaun. Ang hirap ng may SIPON no?

Tapos nakakahiya pa suminga ng malakas sa public. Ubos na lahat ng tissue paper sa bahay nyo. Hindi mo pa alam kung saan nagmumula ang lahat ng ito, bat ang dami dami nila? bat hindi maubos. Ayy kaloka.

Uso ang SIPON ngaun, pati yung kakambal niyang UBO tsaka pinsan niyang LAGNAT lalo na ang anak ng lolo ng pinsan ng kapitbahay nilang si TRANGKASO. Mahirap magkaroon ng mga ganitong sakit kasi hindi ka makakapasok. At pag hindi ka makakapasok ay wala kang sweldo. Kaya nga sabi ng commercial sa tv: “Bawal magkasakit!”. Kaya naman bilang isang RN (Resting Nurse) gusto kong makatulong upang maibsan ang iyong nararamdaman. Sundin itong mga simpleng payo:

1. Hydrate. Hydrate. Hydrate. Increase Oral Fluid Intake. Uminom ng madaming madaming madaming madaming tubig. Bakit? Kasi yung mga mucus na nakadikit sa loob ng lungs mo, madidisolve. Mailalabas mo na ng mas mabilis. Mahirap iexplain in layman’s term ee. Penge ngang tubig! hahaha :))

2. Ilabas mo yan. Mostly bacteria ang causes ng sipon at ubo. At hindi sila makaka-alis sa systema mo kung hindi mo sila ilalabas. Bumili ng madaming tissue paper at ilabas mo yan. At itapon sa basurahan upang hindi na kumalat ang germs. :)

3. Eat healthy foods. Dati, hindi ko talaga maintindihan bakit kung kelan ka may sakit at walang panlasa dun ka naman bibigyan ng masasarap na pagkain at prutas. Pag walang sakit, aratilis lang ang prutas sa bahay. Haha. Pero ginagawa ni Nanay ito upang palakasin ang resistensya mo at malabanan ng kawatan mo ang germs. :))

4. Rest. Kailangan ng katawan mo ng pahinga upang magawa nito ang dapat nitong gawin. Tulad ng computer mong kailangan ishutdown para hindi mo magoverheat. At cellphone mong kailangan irecharge upang hindi malobat. Kailangan din ng katawan mong magpahinga upang magfunction ng tama. Get enough Zzzzz. :))

5. Consult your doctor. Kung hindi na talaga kaya at hirap na hirap ka na talaga. Magpaconsulta na sa family doctor nyo upang malaman kung kailangan mo na uminom ng antibiotics. 

Bilang isang Nurse. Pasaway ako sa paginom ng gamot. Hindi talaga ako umiinom pag hindi talaga kailangan na kailangan na kailangan (I know. I’m bad..). Pero isa akong bad example. Kaya ikaw. Huwag mong hayaang magkasakit ka. Sundin ang aking mga payo at you will be up in no time. Bawal Magkasakit! Stay healthy! Ciao ~ Monike :))

Paano ba Tumaas ang Grades? :))

Ikaw ba ay nag-aaral pa? Gusto mo bang tumaas ang grades mo? Gusto ko lang ishare ang mga alam ko para sa mga kakosa ko dito sa net na nag-aaral pa. Eto ang mga tips para tumaas ang grades mo:

80/20 Rule. Sabi sa nabasa ko dati, “80% of what you do in school represents 20% of your grade and 20% of what you do represents 80% of your grade”. Totoo ito, ginamit ko to dati. In terms, pag-aralan ang 20% na kailangan mo pagbutihan. Alamin ang criteria of grading tapos dito mo makikita kung ano ang may malaking percent ng grade mo (most commonly, midterms at finals ito) at iyon ang pagtuunang ng matinding concentration. Yung bonggang bonggang powers mo dapat dun mo finofocus. Parang Kame-hame-wave. :))

Know your prime time. Alamin kung kelan buhay ang dugo mo at dun ka mag-aral. Ako? Isa akong insomniac kaya obviously madaling araw ang prime time ko. Dati, pag periodicals or exams (which is araw-araw sa course ko) natutulog ako ng maaga at madaling araw ako nag-aaral. Aswang lang ang peg. Ikaw din. Alamin ang oras na makakapagconcentrate ka at gamitin ito. :))

Use your Strengths. Develop your Weaknesses. For example, mahilig kang dumaldal, magparticipate sa mga recitations. Kahit mali-mali ang sagot mo, ok lang yan, ang importante tatatak sa professor/teacher mo na participative ka sa clase. Kung mahiyain ka naman pero magaling sa written, iperfect ang mga exams. Ang main point, alamin mo ang strengths mo and use it to your advantage. Para naman sa iyong weaknesses, maghanap ng kaklase o kaibigan na makakatulong sayo madevelop ang weaknesses mo. Knowing you have a weakness is a strength itself. :))

Manage your time wisely. Napaka-importante ng time management sa buhay estudyante. Magfafacebook ba ako o mag-aaral? Magtwitwitter o gagawa ng assignment? Magtutumblr o magreresearch? Ito ang mga katanungan mahirap talaga sagutin kasi pwede mo namang pagsabay-sabayin yan ee. :))) Gawin muna ang mga bagay na alam mong makakapagkonsumo ng mahabang oras bago ang mga madadaling gawain. :)

Prioritize. Prioritize. Prioritize. Gumawa ng to-do list at lagyan ng number kung ano ang mga pinakaimportante. Tandaan mong isa ka lang at hindi mo kayang gawin ang lahat. Kung hindi mo na kaya, magpatulong sa mas nakakaalam. Hindi kabawasan sa katalinuhan mo ang pagtatanong o paghingi ng tulong. Iprioritize ang importante at huwag ng gawin ang hindi. Try mo din mag multitask. Nakakaloka nga lang minsan. :))

Reward Yourself. Huwag mo masyadong pahirapan ang sarili mo. Kapag feeling mo ambait-bait mo ng anak bigyan ng reward ang sarili. Hindi naman ito kailangan bongga tulad ng DSLR or Ducati evo 848. Try mo lang yung maliliit. Kunwari pag natapos mo ang assignment mo sa math, bibilhan mo ang sarili mo ng cloud 9. Kung may natapos kang special project, reward mo ang sarili mo ng Burger Champ sa Jollibee. Pagkatapos ng hell week, magpamasahe ka or pumunta ka ng Tagaytay. Lahat ng hirap dapat may katumbas na sarap para lalo kang mamotivate. :))

Hindi talaga ako naniniwala na basehan ng talino ng tao ang grades sa school kasi masyadong biased ang school para sa mga verbal at logical intelligences at hindi nahihighlight ang ibang pang intelligences. Pero habang nasa school tayo kailangan nating sumunod sa patakaran kaya naman gamitin ang mga tips kong ito. Study SMARTER, not harder :))   

Baka sabihin mo, “Sino ba itong babaeng to na tuturuan daw akong mapataas ang grades ko?”. Ano ba ang credibility ko upang maniwala ka saken? Kasi po masyadong madami na akong nabasang libro kung paano mapataas ang grades ng isang tao at iyan ang summary ng mga sinasabi nila. Basta maniwala ka nalang. Low profile lang ako ee. Pero kung curious ka talaga. TA mo nalang ako. hihihi. Love. Love.  :)) ~ Monike 

Mga Kailangan para sa Masaya at Hassle-Free na Outing

Nito lang nakaraang mga araw, gumala ako ng bonggang bongga kasama ng mga highschool friends ko. Pumunta kami sa Kamay ni Hesus (Lucban, Quezon) at sa Laiya Beach (San Juan, Batangas). Sobra saya ng road trip naming tropa at naisip ko kung ano ang mga kailangan sa masaya at hassle free na outing ng inyong barkada. Eto ang listahan ko:

1. Sasakyan with chauffeur (a.k.a. driver) – magandang magrent kayo ng van kasama si manong driver na alam ang mga pupuntahan niyo kasi eto yung ginawa namin. Medyo mahal nga kung tutuusin, pero worth it naman kasi sobrang hassle free talaga ang roadtrip namin. Hindi namin inaalala kung naliligaw na ba kami kasi alam ni kuya ang lahat ng daan at pwede pa kaming matulog sa byahe. Swerte pa namin kasi si manong driver ay malakas din ang trip katulad namin kaya naman super enjoy ang road trip at bakasyon.
2. Travel Destinations – Ayusin ang itinerary nyo. Maghanap ng mga lugar na may magandang scenery o kaya naman ay may special place sa inyong mga puso. Patunayan ang linyang “It’s more fun in the Philippines” at “Wow Philippines” sa pamamagitan ng pagpunta sa mga pinagmamalaking lugar nito. Nag-enjoy ka na, nakatulong ka pa sa local tourism ng bansa. Tip ko din na iexperience ang culture sa mga lugar na pupuntahan. Huwag matakot na magventure sa mga kakaibang putahe o sa kakaibang gawain, isipin mong minsan ka lang pupunta dyan kailangan itry mo na lahat. C’mon vamanos, everybody let’s go! :))  
3. Camera – Dapat may maganda kayong camera to capture the moments. At para din ma-upload sa Facebook upang mainggit ang mga hindi nakasama. Hahaha baaaad! Dapat laging stolen ang shots (minsan din “kunwari stolen”) para mas masaya pag tinitignan. Dun ka kasi nakakakuha ng mga real life moments kapag hindi alam ng kinukuhanan na pinipicturan pala sila. :))
4. Money, money, money – kelangan mo din magdala ng madaming pera kaya naman pag-ipunang maigi ang mga outings nyo. Mas maganda kung magdadala ka ng over sa budget mo para sa mga emergency na bibilhin or pambili ng pasalubong. :)
5. FRIENDS with kwento – halangan naman mag-isa ka lang magroad trip? Anlungkot naman ata nun. Mas masaya kung kasama mo yung mga kaibigan mo at magkwekwentuhan kayo habang papunta sa inyong destination. Kami ng mga kaibigan ko, di ko alam kung bakit tawa pa rin kami ng tawa kahit minsan paulit-ulit na yung mga kwento. Iba rin kapag may mga memories na kayo pinagdaanan tapos pagkwekwetuhan nyo ulet. Yung tipong nangyari na 5 years ago, kung kelan bata pa kayo, immature, at wala pang kamuwang-muwang sa mundo. Masaya balikan ang mga nakaraan. :))

Kahit saan ka pa pumunta, malayo man yan o malapit, basta kasama mo ang mga taong malalapit sa puso mo, sigurado akong mag-eenjoy ka sa pupuntahan mo. Pero huwag din kalimutan ang listahan ko upang mas maging hassle free at enjoyable ang inyong mga byahe. Sa uulitin. Happy Roadtripping. Ciao! – Monike :))    

A Tribute to my Music gods :))

May nabasa ako dati na ginawa daw ng tao ang musika upang mailabas ang mga damdaming hindi niya kayang ilagay sa salita. Parang self-expression kumbaga ng tao ang musika. Yung mga nararamdaman mo lang minsan, sa music mo talaga nalalabas. Minsan sapul na sapul talaga sa lyrics. At ito ang mga lyrics ng peborit band ko na ginagawa kong motto sa iba’t-ibang parte ng buhay ko:

ON LIFE

“Lately I am beginning to find that I should be behind the wheel… Whatever tomorrow brings, I’ll be there with open arms and open eyes. Yeah!” – Drive ~ sinasabi dito ng mga idol ko na laging positive dapat ang outlook sa buhay. Kahit anong mangyari dapat laging ready kang tanggapin ito. Kailangan mo ding pagplanuhan ang buhay mo upang hindi matanggay sa agos ng buhay. Be in control of your life! :))

ON SELF-WORTH

“Your foundation is canyoning, fault lines should be worn with pride. I hate to say but you’re so much more. You’re so much more. Endearing with the sound turned off. “ - Talk Show on Mute ~ Dito pinapakita ng mga idol ko na hindi panlabas na anyo ang mahalaga, mas maganda ang panloob na katauhan ng tao at ivalue mo yun. You are so much more! :))

ON FRIENDSHIP

“If I turn into another, dig me up from what is covering the better part of me, Sing this song, remind me that we’ll always have each other, when everything else is gone” – People change. But deep inside, Ikaw pa din yan. Kaya kailangan naten ng magpapaalala sa atin kung sino tayo kapag pumapasok na ang ere sa ulo natin at ang umaangat ang paa natin sa lupa. At ang da best na bumatok sayo kapag nagbabago ka na ay ang mga kaibigan mong tunay. They’ll always be there for you through good times and bad times. :))

ON FAMILY

“And in this moment, I am happy… Happy… I wish you were here” – Wish you were here ~ sabi nila na dapat shineshare ang mga happiest moments natin sa mga pinaka-importanteng tao sa buhay natin. Sa akin wala ng mas sasaya pa kung masheshare ko ang mga masasaya parte ng buhay ko kasama ang pamilya ko. Hindi ito dapat sinosolo para mas masaya ang life moments kasama mo dapat sa tagumpay ang pamilya mo :)) 

ON LOVE

“Love hurts but sometimes it’s a good hurt and it feels like I’m alive… And without Love I won’t survive” – Love Hurts ~ Naranasan mo na bang mainlove? Kung oo, siguro alam mo na ang love hindi laging masaya, minsan masakit talaga magmahal, pero dun mo mararamdaman na buhay ka pa pala, kasi nasasaktan ka pa (lalim, ako ba ito?!). Kailangan mo lang malaman na worth it ang sakit para sa minamahal mo. :))

“You’re a mountain that I’d like to glide, not to conquer, but to share in the view” – Black Heart Inertia ~ Grabe. Gustong gusto ko ang line na yan. At interpretation ko lang naman dyan ay kung magmamahal ka ng tao dapat yung tatangapin mo siya kung ano siya (everything, good side and bad side) at gusto mo siyang makasama sa buhay mo, at huwag mong itry na baguhin siya. Malayo? Aken interpretation yan ee. Gawa ka iyo :)))

Tinitingala ko talaga ang bandang ito pagpasawalang-hangan. Bata palang ako nakikinig na ako sa kanila. Hangang walang kasawa-sawang paulit-ulit sila sa playlist ko. INCUBUS, gods of Alternative Rock Music, mahal ko kayo. Weee. Sobrang nakakawala ng pagod pag nakikinig na ako sa music nyo. Thank you. Much Love ~ Monike :)    

Top 5 Reasons Bakit ‘The Best’ ang High School Friends Mo!

Random Fact: Naghigh-school ako sa typical Catholic School na pinapalakad ng mga madre. At kung nag-aral ka sa isang institusyong pinapalakad ng mga madre siguro maiintindihan mo kung sasabihin kong medyo scary sila. :)

Another Random Fact: Hindi ako cool nung highschool. Hindi ako sikat. Hindi ako crush-ng-bayan. At iniisip ko nun ay mag-aral ng mabuti (alam ko ang corny ko!). Masasabi kong isa akong wallflower with perks. :))

Bonggang bonggang Random Fact: Pero gayun pa man hindi ko ipagpapalit ang mga kaibigan ko nung highschool. At alam kong ikaw din. Sila ang isa sa mga pinakacool na tao sa mundo, bakit? kasi:

1. May mga memories kayong hindi matatawaran. Naalala mo nung una kayong napunta sa guidance office dahil sa mga hindi malamang dahilan? :) Masaya din yung mga bloopers ng mga teachers nyo ng highschool na lagi nyong pinagkwekwentuhan. Mga school projects na sabay-sabay niyong ginawa. Mga presentations na pinag-away-awayan niyo pa. Mga pagpanalo at pagkatalo niyo sa intramurals. Mga assignments na pinagpapasapasahan lang tuwing umaga. Mga baon na share-share na pinagpapasahan habang nagkaklase. Mga tulog na ninanakaw pag hindi nakatingin ang teacher. At kung anik-anik pa. Haaaaaay. Nakakamiss :((
2. Kasama mo sila sa mga ‘first times’ mo. Kasama mo ang mga highschool friend mo noong first time mong mag-explore sa mundo. Alam nila ang first crush mo at first puppy love mo. Sila ang kasama mo nung tinry mong first time na uminom, swerte mo pag kasama mo sila noong first time mong malasing. First time mangopya sa harapan ng teacher. First time mong magrebelde sa magulang. First time mong… ikaw na bahalang magdagdag. Alam kong madaming karugtong yan, Alam mo yan teh! :)
3. Sabay-sabay kayong nangarap. Sa highschool mo nabubuo kung anong gusto mong maging pag tumanda ka na at kasama mo ang mga taong ito noong una kang mangarap. Pare-pareho ninyong alam na mahirap ang dadanasin ninyo sa pag-abot ng mga pangarap na ito pero kasama mo sila sa hirap at ginhawa (drama!). :)
4. Alam nila ang True-to-Life story mo. Alam ng mga highschool friends mo kung ano ang mga nangyari kaya ka naging ganyan ngaun. May mga desisyong mas maiintindihan ng highschool friends mo kasya ng mga college friends mo. Basta feeling ko mas kilala ako ng mga highschool friends ko, kasi nakita nila kung ano ang mga pangyayari nakapagpabago ng buhay ko. Chos! :))
5. Nakilala ka nila habang bata ka pa, immature, at walang kamuwang-muwang sa mundo. At sabay-sabay kayong magkaroon ng muwang sa mundo! Bongga! :)))

Mahal ko ang mga high school friends ko at kasama sila sa listahan ko ng mga pinakacool na tao sa mundo (kasama nila Einstein at Steve Jobs). Kaya kung highschool ka pa, ienjoy mo yan. Kung hindi na, kasama mo ako sa pagrereminisce. Masaya ang high school. At masasabi kong dahil ito sa mga kasama ko panahon na ito ng buhay ko. Sila ay mga tunay na kaibigan. ~ Monike :))

Mga Katanungang Nakakapagpakabagabag sa Aking Kaluluwa :)

Kinausap mo na ba ang sarili mo at nagtanong tapos kahit ikaw ay walang sagot sa iyong katanungan? Ako kasi palagi. Kaya naisip kong itanong nalang ito sayo. Tignan natin kung masasagot mo ang mga tanong ko sa buhay. Masisiyahan talaga ako ng bongga kung masasagot mo to. Handa ka na? Eto na sila:

1. Bakit kung kelan may gustong-gusto kang bilhin dun ka walang-walang pera, tapos pag may pera ka naman dun naman nagtatago lahat ng gusto mong bilhin?
2. Bakit kung kelan ka may dalang payong at ineexpect mong uulan ay hindi umuulan tapos pag feel mo namang aaraw ng bonggang bongga ay dun naman nagngingit sa galit bumuhos ang ulan?
3. Bakit kung kelan mo kailangan ang isang bagay hinding-hindi mo ito makita, tapos pag hindi mo naman siya kailangan dun niya naiisip na magbelly-dance sa harap mo?
4. Bakit kung kelan matutulog ka na dun parang ang ganda-ganda ng buhok mo pero pag may pasok ka or pag gusto mo siyang maganda dun niya trip na tumikwas-tikwas at bumuhaghag ever?
5. Bakit kung kelan ka nanonood ng sine, dun naiisipan ng kung sinong Pontio Pilato tawagan ang phone mo? (At take note, dun pa sila tumatawag sa part na kailangan ng buong sinehan ng makabagbag-damdaming KATAHIMIKAN)
6. Bakit pag pumunta ka sa supermarket at kumuha ng cart, parang yung isang gulong ng cart may sariling utak?
7. Bakit nga ba may mga bangaw na mukang nakapark sa ere pag umaga?
8. Bakit wala pang Santan Juice sa Tetra pack?
9. Bakit yung mga batang may pang tuition fee ayaw mag-aral, tapos yung wala namang pera pambayad ng matrikula gustong-gusto mag-aral?
10. Bakit pag mahal mo ang isang tao most probably hindi ka mahal, tapos pag mahal ka naman, hindi mo mahal? Sad with sad face. :(

Weird noh? Sana masagot ko din yan balang araw. Kung may sagot ka, please naman maawa ka sa kaluluwa ko at sabihin mo na saken ang sagot. Dahil hindi ako matahimik sa mga katanungang iyan, nagugulumihanan ang aking dadamin. Pag may sagot ka sabihin mo saken ha? Paalam muna  -Monike :) 

Paano ba maging masaya? :))))

Ikaw ba ay nalulungkot? Nalulumbay? Walang magawa sa buhay? MALUNGKOT? Awwww. Gusto mo bang sumaya? Sasayawan kita. Ayaw mo? Ok fine. Bibigyan nalang kita ng mga gagawin upang matutong sumaya ulet. At medyo sure ako na sasaya ka talaga pag ginawa mo to. Ready ka na ba sumaya? Ready. Get set. GO!:

1. Smile. Ngumiti ka kaibigan. Sabi sa nabasa ko (matindi talaga yung mga nababasa ko ee!) na kahit finefake mo ang pagngiti mo ay nakataas pa din ito ng mood mo.  Nagiging totoong masaya ka. Kaya sabi nga ni Love Anover “isang smile naman dyan and everything!” Ilabas ang maliit at mapuputing mga ngipin. I-unat ang mga labi. Iexercise ang mga facial muscles. At ilabas ang iyong beautiful and gorgeous smile.  Win-win situation yan ee. Gaganda ka na, sasaya ka pa at mapeprevent mo pa ang mga early wrinkles. Kaya Teh, Smile!
2. Sing and Dance. Kumanta ka kahit wala ka sa tono… lalong lalo na kung wala ka sa tono! Sinasabi ko sayo, magiging masaya ka na, mababasag mo pa ang mga eardrum ng lahat ng nakikinig sayo! Weeee. Sumayaw ka din. Iyugyog ang buong katawan kahit dalawang kaliwa ang mga paa mo. Wala naman magsasabi sayong mali ang ginagawa mo. Kaya imove it, move it mo na yan kapatid! Sabi pa did-you-kno.tumblr.com, “Dancing has been scientifically proven to make you smarter and healthier”. Oh diba, sasaya ka na, tatalino ka pa! Bongga!  
3. Talk. Kausapin ang mga kaibigan, kapamilya at kabarkada. Kung ikaw ay galing sa isang nasirang relasyon, mas makakapag-move on ka kung itutuon mo ang sarili mo sa ibang tao upang hindi maramdaman ang sakit (syet ang lalim!). Maganda rin na kausapin ang ibang tao para naman malaman mo na hindi ka nag-iisa na may kadamay ka sa hirap at ginhawa. Chos! Alamin ang mga nagyayari sa mga kaibigan at kapamilya mo. Makipag-usap ka. Kahit sa mga hindi mo kilala. Tiyak ko sayong sasaya ka. Tama na ang pagkausap sa sarili. Baka sa iba ka mapunta nyan ee. Concerned citizen lang. :))
4. Count your Blessings. Kung nababasa mo tong post kong to, napakaswerte mo na. Dahil sigurado akong meron kang internet connection at marunong kang gumamit ng tumblr. Bongga! Angat ka na sa kalahati ng populasyon ng buong mundo. Isipin mo ang mga meron ka na wala sa iba. Damit. Pagkain. Tubig. Bahay. Pamilya. Kaibigan. Kung ano man ang nagpapalungkot sayo, alam kong mas maraming bagay ang makapagpapasaya sayo. Mahal ka ni Lord! :)
5. Mentally Murder People. Parang ang positive-positive ng mga pinagsasabi ko sa una tapos tuturuan kita ng bad. Dibale minsan lang naman ako maging bad influence. Tama yang nababasa mo. MENTALLY MURDER PEOPLE. Yung mga taong nakakapagpakasakit sayo, patayin mo na… pero sa utak lang ha? wag yung totoo, bad na yun. Minsan kasi, kailangan din natin to, hindi naman pwedeng palagi nalang tayo mabait lalo na kung tayo ang laging nasasaktan. Kung tao ang nakakapagpalungkot sayo at gustong gusto mo din siyang saktan... go ahead! Saksakin, baliin, balibagin, tadyakan, hiwain at ihawin mo na yan sa utak mo. Kung anong karumaldumal na pedeng isipin. Gawin mo na. Wag lang lalabas aa. Sa utak mo lang dapat lahat yan. Ikaw at ang sarili mo lang dapat ang nakakaalam sa krimeng iyong ginawa. Pero sa totoong buhay, karma is a bitch. Hayaan mo nalang. Kakarmahin din yan. Maniwala ka sa akin at sa kumakaway na pusa. :))

Sabi nga ng kaibigan kong matalino pa kay Einstein, “Happiness is choice, you alone can choose to be happy”. Kaya piliin maging masaya. Gusto kong maging masaya ka kasi naniniwala akong overpopulated na ang mundo ng mga malulungkot na indibidwal, dadagdagan pa ba naten sila? :)) Live. Laugh. Love. Ciao! – Monike :))      

Baliw ka ba? Weh hindi nga? :)))

Baliw ka ba? Adik ka ba? madalas yan tinatanong sayo ng loka-loka mong kaibigan. Maaring natatawa ka lang kapag tinatanong niya yan sayo at malamang ay may kasamang batok sa kaibigan mong nagtanong. Pero, malay mo, baliw ka nga? hindi mo lang alam. Sabi ni nga ni Pareng Albert Einstein “A question that sometimes drives me hazy: am I or are the others crazy?”. Tignan natin kung naging baliw ka nga once-upon-a-time:

Paranoid  - Natanong mo na ba sa kaibigan mo kung may naririnig syang masama about sayo? o may narinig siyang sinabi ng ibang tao (maganda man o hindi) about sayo. Lagi mong iniisip kung ano ang nalang ang iisipin ng ibang tao tungkol sayo. Minsan naman sumakay ka sa jeep at feeling mo talaga yung katapat mong lalaki ay maya-maya lang sisigaw na ng HOLDAP! Minsan pa, naglalakad ka na pauwi tapos madilim tapos lahat ng kasalubong mo feeling mo rapist o kaya holdaper kaya hinahanda mo na lahat ng deadly weapon sa bag mo at napapabilis na din ang paglalakad mo. Teka lang teh relax relax din, BP mo. ((:

Schizoid – May time din sa buhay mo na parang may sarili kang mundo. May pagka-autistic lang ang trip mo sa buhay. Kinakausap lang ang mga halaman, hayop at higit sa lahat ang hangin. Masaya ito dahil kakakausap mo sa kanila, parang sumasagot na din sila (uyy, narinig mo yun? Shet). Minsan naririnig din ito ng mga kasama mo sa bahay, kasi minsan napapalakas ang pagkausap mo sa sarili. At pag tinanong ka nila ng “Ano?” nasasabi mo ay “Walaaaa, ang ganda mo, bingi ka lang..” palusot kunwari. :)

Anti-Social – Eto yung mga part ng buhay mo na ayaw mong kumausap sa kahit ano. Mapa-tao, hayop, bagay, sarili, o alien mong kapitbahay. Kailangan ng katahimikan dahil maglilista ka ng “NOISY”. Magkukulong sa kwarto, papatugtog ng music (MALAKAS), at magpapramis sa sarili na hindi na magpapakita muli sa outside world ngunit mabebreak mo naman ang pramis mo pag tinawag ka na ng nanay mo upang kumain. Wala lang, trip mo lang magemote kasi walang “nakakaintindi” sayo. Minsan kahit sarili mo hindi mo maintindihan. Anlabo mo. Eto blade. Echos! Wholesome tayo! J

Borderline – Eto yung sobrang hyper ang feeling mo na lahat gusto mong gawin na parang nakadroga. YOLO ang peg mo sa buhay. Gusto mong magskydive sa Taal, magparasailing sa Bora, magrapel sa Banawe at magswimming sa dagat ng basura (kuuu!). Lahat gusto mo gawin! Hyperactivity is the best policy ang motto mo sa buhay. Minsan enjoy, minsan gusto mo batukan ang sarili mo kung bakit mo naisip yun, Pero wala ka magawa kasi adrenaline hormones mo ang nagdiktang gawin mo yun. :)

Histrionic -  Eto yung time na naging masyado kang vain. Picture don, Picture dito. Minsan pare-pareho lang naman ang angulo, hindi nagbago ang itsura, pero picture pa din ng picture. Eto rin yung mga times na gusto mo ikaw ang center of attention at madalas nakikita ito sa iyong pananamit. Minsan trip mo yung damit na kakaiba, cool at astig kasi gusto mong tinitignan ka ng ibang tao. Ala-Lady Gaga ang dating. Ganda mo teh!

Dependent – Eto yung mga times na nagiging dependent ka sa mga decision mo sa buhay. Yung tipong tatanong ka ng kaklase mo “Papasok ka ba?” ang sagot mo ee, “Papasok ako kung papasok ka”. Kaboom! Ayaw mo din ang nagtetake ng responsibility kaya naman kapag nagtanong si teacher kung sino ang magvovolunteer dali-dali mong tinuturo ang katabi mo sa upuan, minsan isisigaw mo pa ang pangalan ng nasabing kawawang kaklase (malas lang friend!). :)

Obsessive Compulsive (OC-OC) – Naalala mo nung pumunta ka ng SM tapos pagtatapak ka sa tiles, kailangan yung paa mo hindi sasagi sa lines? kailangan nasa gitna siya ng tiles kasi… kasi… OC-OC ka! Minsan nasapian ka na din ng masamang espiritu at nilinis mo ang kwarto mo.. ng Bonggang Bonggang. Bawal ang dumi. Bawal ang kalat. Bawal pumasok ang nakababata mong kapatid (Chaching!). Pati yung apo ng germs na napatay mo na gusto mo din huntingin. Pagkatapos mo, ang linis linis ng kwarto mo, at mauulit ang pagsapi ng espiritung ito sa next life mo na. :))))   

Nga pala PERSONALITY DISORDERS yang mga title na yan. Baka sabihin mo nagjojoke lang ako ee. Kahit isearch mo pa. Nangyari na ba ang iyan o ang mga iyan sa buhay mo? Hala. Mag-ingat-ingat. Sabi nga ng Exboyfriend kong si Rob Thomas, “I’m not crazy, I’m just a little unwell”. Baka UNWELL ka lang din. Dibale balita ko, madami pa naman daw rooms sa Mental sa Mandaluyong. Chos! Normal ka pa naman. Kaso wag lang masobrahan ha? kundi nakooo. Baka maging roommates tayo dito sa Loob. Hahaha. Ciao! ~ monike ((: 

Kung ako may 1 Billion...Ipangagatong ko ang pera!

Naisip ko, taghirap nanaman ako sa pera. Dati nung may work ako, tuwing 15 at 30, iniisip ko na kung ano ang bibilhin ko, or sino ang ililibre ko. Pero ngaun, wala akong trabaho = wala akong pera. Nakakahiya naman humingi sa mga magulang ko ng panlabas-labas ko (oo dadating ka din sa kalagayan ko!). Pero ayoko magtrabaho, may gagawin ako sa buhay. (Di ko pa nga lang alam kung ano, Echos lang J). Kaya naman naisip ko pano kaya kung magkaroon ako ng 1 billion, tapos kaylangan kong gastusin sa isang araw lang. hihihi. Yemen ke nemen. Ano bibilhin mo? ako eto: (Top 3 lang –baka isang manila paper pag sinulat ko lahat ee. kkkkk~ )

1. Franchise ng Jolibee – Matagal ko na to pangarap. As in 6 years old palang ata ako, pangarap kong magkaroon ng jolibee sa ilalim ng bahay namin. Para everday bee happy, hindi ko na kailangan magantay ng sabado, pati na rin ng lingo. Gusto ko yung magigising ako sa amoy ng nilulutong burger at chicken joy. haaaaaayy sarap :)

2. Ducati 848 evo – Gusto ko nento kasi… gusto ko (bakit ba? walang basagan ng trip sa buhay). Tulad ng gusto mong iPhone4s (na wala ako), MacAir (na wala din ako), DSLR (na wala din ako) at Lamborghini (na lalong wala ako). Nangangarap ako ng Ducati 848 evo. Mukang masarap sakyan kahit na naniniwala akong prone sa accidents ang mga motor. Minsan lang naman ako mangarap. Lulubos lubusin ko na :)

3. Charity House para sa mga Special Children – gusto ko tumulong sa mga special children cause they have a special place in my heart (kasi special child din ako!). Nung nasa school pa ako, nagkapagserve kami sa mga abandoned special children L, nakakaloka yun, masayang masaya makipaglaro sa mga special children. Sobrang nakakapagod pero pag nakita mo sila masayang-masaya at hahalikan ka pala ng puro lawaylaway nakakawala talaga ng pagod. Nakakadurog ng puso kasi may kapansanan na nga sila, iniwan pa sila ng mga magulang nila. Sila ang dahilan kung bakit bawal akong maging ungrateful at malungkot. Emo teh?!  :)   

Hayyy sarap mangarap. Sana may 1 billion ako tulad ni Bruno Mars. Ikaw anong gagawin mo pag may 1 billion ka? sagot ka naman. gusto ko malaman. Ciao! - monike :)) 

Ang Ducati ng Buhay ko :))

Nagbike ako kanina at masasabi kong isa iyon sa mga paborito kong gawin sa buhay. *Patugtug ang Drive by Incubus* May pasak na earphones ang tenga, tumutugtog ang paborito mo kanta, Malakas ang hanging dumadampi sa mukha, paa mong nagpepedal sa mekanikal na metal, mga taong tumatabi kapag dumadaan ka at adrenaline rush kapag hinahabol ka ng aso. (:

Naalala ko yung una kong bike. Green ang kulay niya. At BMX ang tatak (BMX = Ferrari ng bike). Cool. Lalong cool kasi may dalawang extrang gulong sa likod. Four wheel drive. Super Cool talaga. Ang yabang yabang ko pa magdrive non. One hand. No hands. Keribels.

Di naglaon tinangal yung training wheels ko. Ilang beses ako bumagsak. Nagkagasgas. Nagkasugat. Sumemplang. Pero dahil don Natuto akong magbike. Magbike ng totoo. Mas masarap. Mas cool.

Hangang lumiit na yung bike, hindi na kasya yung tuhod ko. Mountain bike naman. Eto lang naman ang masasabi ko, mas masarap magdrive ng mountain bike kasi para kang nasa… mountain (Toinks). Antaas ba naman. Kaloka lang. At dahil mahilig ako magbike, lagi akong nauutusang bumili kung saan-saan. Ok lang kasi nageenjoy ako. (:

Ngaun ang gamit ko? DUCATI SUPERBIKE 848 EVO. Mas Mabilis. Mas Cool

Echos lang. Wala akong ganyan. Pero pangarap ko yan. Kaya Daddy Bill Gates, kung nababasa mo to? Gusto ko nyan. hihihi. (:

Masarap magbike. Tulad ng buhay. Nagkakagasgas. Nagkakasugat. Sumesemplang. Bumabagsak. Bago ka matuto. Matuto ng totoo. At pagkaya mo na, mageevolve naman ang bike mo. Another challenge. Another learning. Masarap magbike pero mas masarap mabuhay (:

Noong Bata ako...Meron Nito. :)))

Namimiss ko ang pagkabata ko. Hindi pa naman ako matandang-matanda (You know!). Pero namimiss ko yung mga bagay na nakakapagremind sa akin ng kabataan ko. Nakakapagremind sakin ng mga panahon na pinapagalitan ako kasi kailangan kong uminom ng gatas (drenk you magnolia melk pers!) at maligo (takot ako sa tubig nung bata ako, minsan, hangang ngaun. haha). Pero higit sa lahat namimiss ko yung mga maliliit na bagay na nakakapagpa-alala ng panahon na you’re-da-men-ma-men tulad ng:

1. Humpy-dumpy, sweet corn, iced gems, flat tops, chocnut, mikmik at hawhaw. Oo yung iba andito pa din pero hindi na sila katulad ng dati na lahat ng tindahan mayroon. At pag sinabi kong lahat. Ayy. LAHAT TALAGA. :)  Lalo na yung mikmik at hawhaw. Wala na talaga to ngaun. Siguro dahil ayaw na tayo suplayan ng China. *Sad with a sad face* Sa mga hindi nakaka-alam ng mikmik. Eto yung powder na nasa pak tapos may straw. Tapos pagsinipsip mo, uubo ka ng bonggang bongga. Yung hawhaw naman, eto yung parang ostya na kuya reddish-brown tapos pagbinigyan ka ng kaibigan mo dapat may question-and-answer portion. Kaibigan: “Katawan ni Pedro” Ikaw: “MACHO”. :)

2. Dahil walang internet noon. Sikat ang mga laro sa kalye. Ang mga bata noon, tagaktak sa pawis, di katulad ngaun, tagaktak sa taba na ang mga bata. ancucute! (: Sikat ang Dr.KwakKwak, Syato, Patintero, Yes/No, 7up, at madami pang iba larong involved ang balyahan ng buto-buto. :)

3. Noong bata ako, natutong akong magsugal gamit ang TEKS, POGS, TANSAN. Walang perang involved. Lakas ng loob at Pride mo lang ang puhunan. Malakas ang mga sigawan ng mga kaibigan mo pag malaki na ang taya, lalo na paglumipad na yung teks tapos “Pektus! Tsub! AKEYN!”. Kaboom. (:

4. Nakatikim ka na ba ng cherries? Eh ng cherries ng Pilipinas? Sarap diba? Tawag mo dito: ALATIRIS. Magkakastiffneck ka kakatingala kung saan may hinog na bunga. Pero Solb ka talaga. Laman tyan din yan. Pati mga bulate mo sa tyan. Solb. (:

5. Alam mo yung mga bagay na simple lang pero masaya ka na? Noong bata ako meron non. Nasa katauhan silang ng KISSES at FLOBBER. Yung kisses yung maliliit na butilbutil na mabango. At may chismis akong narinig na nanganganak daw ito (Nasan na kaya ang mga apo ng kisses ko dati?). Meron pa nga akong kaibigan, kinakain nya daw to. KINAKAIN. tsaran! (: Tapos yung flobber yung green na slimy-slimy na… na… hindi ko na maexplain. Basta flobber. bow (:

At last but not the least…   

6. Namimiss ko yung vitamins noong bata ako. Hindi lang basta vitamins. Kasi FLINSTONES vitamins ang aken (wala ka dyan!). Pinaglalaruan ko muna yun bago ako uminom ng vitamins. Kaya siguro ako tumangkad ng ganito. (:  

Masaya sana kung mababalik yung bagay na yan. Pero mas masaya kung mababalik yung mga memories at ang pagkabata ko. Haaay. Those were the days ma men! (((((:       

Images credit: 

• https://blogger.googleusercontent.com/img/b/R29vZ2xl/AVvXsEhjJL3NtIKtzzOvte2-Zn4GhIWIEhP6fuUf770yC-Bu7GVwGCj9vdhoOnzQvhus-M6cuJc6cz2a0rbja1x8oMSSkQGT5PKZplYAyGErqi5mSD9mlGgeoFNJBioyyOpHyxoXoB8ffKmyyDM/s1600/mik+mik.jpg
• http://pageslap.files.wordpress.com/2009/08/haw-haw.jpg
• http://mysassygail.files.wordpress.com/2011/01/quack.jpg
• http://definitelyfilipino.com/blog/wp-content/uploads/2011/11/teks1.jpg
• http://www.foodrecap.net/wp-content/uploads/2012/04/used-soft-drinks-tansan.jpg
• https://blogger.googleusercontent.com/img/b/R29vZ2xl/AVvXsEghGKZF9Yf1z_ZKOpzacjDwS5TKS3RNb9NqtuKDx4-m-eWo-JmbAxwsP4wm8GgloGykPgiaoM4hIuG8iesvHgO5veIt384RQgHNHMyeTBn5pMznfuTo53u3947HTumNOPyJGzvP4HTkaVRJ/s1600-r/Aratiles+Fruits.jpg
• https://blogger.googleusercontent.com/img/b/R29vZ2xl/AVvXsEgQ0DHgjRd8pRSQML1mn_RpER9NjO4ZDw1vWoC9ZvfjrzWttpSDXyGFvXZBBH4TfNmGbahAC5iExqjGTLKGrtKHnQzY6Mrd7B_-uYWzjtKcLLlMls5K-y5OA9x2kN4TRIrJXOTkh9aEvhY/s1600/akala.jpg
• http://hubsub54.files.wordpress.com/2009/11/jaws47.jpg?w=500&h=370